MsoNormal" style="margin-bottom: .0001pt; text-align: center; line-height: 120%;" align="center">

2026-yil 13-fevral kuni InterContinental Tashkent mehmonxonasining konferensiyalar zalida O‘zbekistonning barcha hududlaridan brend dilerlari, bosh qarorgoh vakillari, xalqaro hamkorlar va Kia Uzbekistan jamoasini o‘zida birlashtirgan Kia Dealer Conference 2026 har yillik dilerlik konferensiyasi o‘tkazildi.

Tadbir doirasida brendning 2025-yildagi faoliyati sarhisob qilindi, shuningdek, Kia kompaniyasining 2026-yilga mo‘ljallangan asosiy strategik ustuvor yo‘nalishlari taqdim etildi.

2025-yil yakunlariga ko‘ra, Kia O‘zbekistonda bozorning bir qator asosiy segmentlarida o‘z mavqeini mustahkamlab, barqaror rivojlanish sur’atini namoyish etdi. Yil davomida mamlakatda 25 538 dona Kia avtomobili sotilib, 2024-yilga nisbatan 32 foizga o‘sdi. Brend mahalliy avtomobil bozorining yetakchilaridan biri bo‘lib qolmoqda va strategik muhim segmentlarda o‘z ishtirokini kuchaytirishda davom etmoqda. O‘sish modellar turkumining yangilanishi, izchil marketing strategiyasi, shuningdek, dilerlik tarmog‘i va xizmat ko‘rsatish infratuzilmasining faol rivojlanishi bilan ta’minlandi.

Konferensiyaning rasmiy qismida ishtirokchilar mijozlar bilan o‘zaro munosabatlarning eng yaxshi amaliyotlari, zamonaviy marketing vositalari va brendni yanada rivojlantirish rejalarini muhokama qildilar. Mijozlarga xizmat ko‘rsatish sifatini oshirish, jarayonlarni raqamlashtirish hamda brend va dilerlik markazlari o‘rtasidagi uzoq muddatli hamkorlikni mustahkamlashga alohida e’tibor qaratildi.

Konferensiya davomida brendning FIFA World Cup 2026™ dagi ishtiroki ham qayd etilib, bu Kia xalqaro brend strategiyasining muhim qismi hisoblanadi hamda global va mahalliy bozorlarda, shu jumladan O‘zbekistonda keng qamrovli kommunikatsiya va marketing tadbirlari bilan birga olib boriladi.

Alohida blok sifatida O‘zbekiston avtomobil bozorining asosiy segmentlarida brend mavqeini yanada mustahkamlashga qaratilgan Kia modellar qatorini 2026-yilda kengaytirish strategiyasi taqdim etildi. Taqdimot doirasida Kia’ning ikkinchi CKD modeli O‘zbekiston bozoriga chiqarilishi ham e’lon qilindi.

"2025-yil yakunlari Kia kompaniyasining O‘zbekistondagi rivojlanish strategiyasi barqaror va samarali ekanligini tasdiqlaydi. Erishilgan natijalar jamoa, dilerlar va mijozlarimizning ishonchli hamjihatlikdagi faoliyati natijasidir. 2026-yilda biz dilerlik tarmog‘ini yanada rivojlantirish, servis xizmat ko‘rsatish darajasini oshirish va bozorga zamonaviy va raqobatbardosh avtomobillarni taklif etishga e’tibor qaratamiz", – dedi Kia brendining O‘zbekistondagi direktori Georgiy Shoniya.

Konferensiya doirasida 2025-yil yakunlari bo‘yicha Kia’ning eng yaxshi dilerlik markazlarini taqdirlash marosimi ham bo‘lib o‘tdi. Mukofotlar sotuv, mijozlarga xizmat ko‘rsatish, marketing faoliyati va rivojlanish dinamikasi bo‘yicha yuqori natijalarni ko‘rsatgan dilerlarga topshirildi. "Yil dileri" nominatsiyasida Kia Kibray dilerlik markazi g‘olib deb topildi. Mukofot sifatida dilerga Premium komplektatsiyasidagi Kia K5 avtomobili sovg‘a qilindi.

Kia Dealer Conference 2026 o‘tkazilishi brendning O‘zbekistonda uzoq muddatli rivojlanishga, hamkorlar bilan ochiq muloqotga va barqaror dilerlik ekotizimini shakllantirishga yo‘naltirilganligini tasdiqlash imkonini berdi.

Telefon: (+998) 55-500-83-33

Sayt: http://kia.uz/

Facebook: https://www.facebook.com/KiaUzbekistan/

Instagram: https://www.instagram.com/kia__uzbekistan

Telegram: https://t.me/kiauzbekistanbot

YouTube: https://www.youtube.com/@kiauzbekistan

Kia 2025-yil natijalarini sarhisob qildi va O‘zbekistonda 2026-yilga mo‘ljallangan rivojlanish strategiyasini belgilab berdi